一家五口│張頴康麥雅緻曬全家福宣布再添丁 小花生升呢做哥哥反應超搞笑

同樣是39歲的張頴康和麥雅緻（Angie）一向是圈中模範夫妻，先後育有囡囡小豆（張雅喬）和囝囝小花生（張迅橋），一家人非常溫馨甜蜜，特別是他們不時在社交平台上載家庭照或者直播，吸引了不少網友和家庭主婦。昨日，張頴康分享三張全家福，他跟太太Angie、小豆和小花生穿上白色服裝為主題，隆重其事宣布好消息；原來是Angie第三度懷孕，７歲的小豆和3歲半的小花生將會迎接弟弟或妹妹，成為一家五口，認真幸福。

出賣老婆麥雅緻呆樣│張頴康開工前帶子女入樂園陪玩 兩個舉動令網友心心眼大讚暖男【下一頁】

{{hket:inline-image name="184652790_330376288458962_8207758090828966997_n.jpg"}}{{/hket:inline-image}}

張頴康留言說：「終於都講得喇！我老婆成日都話，睇住小豆、小花生BB嗰陣嘅相，就好掛住佢哋BB嘅時候！雖然照顧佢哋係好辛苦，但係每日見到佢哋又覺得好滿足！其實，我都有同一種感覺！既然時間唔可以返轉頭，咁就從新再經歷多一次啦！老婆，嚟緊嘅日子辛苦你喇！其他粗重嘢等我嚟做啦！我愛你！P.S. 小豆再做家姐，好似好有經驗，所以比較冷靜！而小花生對於自己第一次做哥哥，就表示......『我無眼睇』！」

在三張靚相中，見Angie手持一張超聲波的超片，腹部微微隆起，但四肢仍然保持到纖細。最搶鏡莫過於是3歲半的小花生，鬼馬的他表情多多，不時瞇眼，而且用手遮面，難怪爸爸搞笑指他「我無眼睇」。Angie留言說：「擁抱上天給我們這個緣份及福份，感恩我們由一家三口，到四口之家，到現在期待我們的五星戰隊！我的最強神級隊友，你準備好未？」

{{hket:inline-image name="185778795_330376261792298_8883755125235871338_n.jpg"}}{{/hket:inline-image}}

{{hket:inline-image name="187163220_330376278458963_1615051207862646725_n.jpg"}}{{/hket:inline-image}}

解構心機女│張頴康見老婆做瑜伽即催上房？ 當年靠「快攻」追麥雅緻約睇戲【下一頁】

張頴康接受《晴報》電話訪問，興奮表示今次是上天送給他們一家的禮物，非常開心。問到這胎是仔還是女？他說：「本身已經有一仔一女，其實嚟緊仔定女都冇乜嘢所謂，老婆今胎堅持唔想咁快揭盅！之前第一胎生女，好早就講，第二胎想留啲神秘感，但小豆唔小心爆響口；今次尊重老婆決定，留待出世先公開。」

（點擊圖片放大）

張頴康表示太太佗B的情緒、反應等各方面尚算穩定，跟以往兩胎的害喜情況差不多，頭３個月都有反胃作嘔和轉口味的情況，３個月之後再沒有感到辛苦，能夠如常進食。至於仔女的反應，張頴康說：「小豆好早知道，因為Angie的爸爸話咗畀小豆知；佢做過家姐，反應都好正常，仲幫我哋守住呢個秘密，真係大個女喇！今日（22日）佢7歲生日，我哋會喺屋企搞Party。至於小花生知道話媽咪肚入面有Baby，知道自己就嚟做哥哥，佢就話『No！No』，好似唔想接受呢件事；嚟緊要教佢做哥哥嘞，因為家姐一向寵佢就佢，要教佢將來點照顧個弟弟妹妹。」

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

責任編輯：楊安莉